Shayad Wo Pyaar Nahi- Yahya Bootwala

Pehli nazar me tumne use dekha aur usne tumhe aur is love at first sight ko tum mohabbat keh rahe ho to ho sakta hain tum galat ho,,

kyuki yaar pehli nazar me to hume antic chize bhi pasand aa jati hain pae hum use ghar me rakhte hain dikhane ke liye..

Bas kyuki der raat tak tum dono ek dusre se dher ssari baate karte ho aur ise tum mohabbat samajhte ho to ho sakta hain tum galat ho,,

kyuki yaae akelepan ke maare to do anjaan musafir bhi ek dusre se baat kar hi lete hain..

Are agar kisi ladki ko dekh kar wo tumhara hath pakad leti hain aur kisi ladke ko dekh kar tum uska aur is cute jealousy ko tum mohabbat keh rahe ho to ho sakta hain tum galat ho,

kyuki  yaar parindon ko pakda jata hain pijare me kaid karne ke liye unhe azad karne ke liye nahi..

Bas kyuki ab tum dono ek dusre ki baato ko samajh paa rahe ho aur ise tum mohabbat kehte ho to ho sakta hain tum galat ho,,

kyuki yaad rakho!! 2 bhukhe bhikhari bhi ek dusre ki bhukh samajh sakte hain par mita nahi sakte..

Are agar tum anniversary ka celebration har mahine kar rahe ho aur ise tum mohabbat kehte ho to ho sakta hain tum galat ho,,

kyuki Dastan-e-Ishq ko bayaan karne ke liye saal ka koi number nahi chahiye hota..

Are bas kyuki tum uski insta stories ka aur wo tumhari snap stories ka hissa ban chuki hain aur ise tum mohabbat kehte ho to ho skta hain tum galat ho,

kyuki yaar mohabbat ko filtaro ke sath save nahi kiya jata, use bas usi lamhe me jiya jata hain..

Haa lekin agar jismo me ulzne se pehle tum uski zulfo me ulzna chahte ho,

Agar wo bekhauf apna bachpana tumhare samne zaya kar deti hain,

Agar uske kapdo ke beparda hone se pehle tumne apne sare raaz uske samne khol diye aur usne bhi apne sare dar ka zikr tumhare samne kar diya hain,

Agar uska har aasun tumhare hi kameej par behta ho aur tumhare muskan ki wajh uski nadaniyaan ho to shayad shayad nahi yaar yahi pyar hain aur agar ye pyaar tumhe mil gaya hain to ise pakad lo, jakad lo, gale laga lo aur jaha kahi bhi mauka mile bas ise kehte raho ke tum usse kitna pyyar karte ho kyuki aisi mohabbat se mulaqat hone me zindagi ka ek kafi lamba arsa beet jata hain..

Kuch Sawal Hain Tujhse- Yahya Bootwala

Teri galiyon se mera guzarna kya kam hua, sidhiyo pe baithe tere aashique ka intazar mukammal sa ho gaya..

Par kuch sawal hain tujhse,

kya teri peshani ki shikanjo ko uske hoth waise hi sehla dete hain jaise mere hoth sehlaya karte the..

kya uski paas ati saanso ki garmi tere dil ki dhadkan waise hi badha deti hain jaise meri saanse badhaya karti thi..

kya sard raato me tu aaj bhi kambal chhupa deti hain taake lipatne ka ek aur bahana mil jaaye..

kya shabab ke nashe me aaj bhi gum hokar tu usko apne saare raaz bata deti hain aur fir hosh me aake wahi baate dohra deti hain jaise mere saamne dohraya karti thi..

Bol naa..

kya tu aaj bhi apni zulfo ko apne gaalo se fisalne deti hain taake wo ungaliyo se use phir se pichhe kar sake jaise main kiya karta tha..

kya wo bhi teri aakho me aakhe daal kar shaamo ko raate kar deta hain jaise main kiya karta tha..

kya use bhi dikha di wo saari taswire jisme tu aaj bhi apna bachpan khojti hain..

kya use bhi bata di wo saari baate jo tune mujhe ye kehke batayi thi ke aaj tak kisiko nahu bataya..

Bol naa..!!

chal in sab sawalo ka jawab mat de bas ek sawal ka jawab de, ke kya tu bhul gayi wo raat jab qamre me sirf hum the, maine tujhe qaske pakda tha aur tere kandhe pe sir zuka ke tere kaano me halke se maine ye kaha tha ki “kabhi chodna mat”, aur tune kaha tha “kabhi nahi”.

Bol naa..!!

–Yahya Bootwala